Lyfslim vir seuns: Oor jou lyf, seks en meisie-dinge (Afrikaans Edition)

Om ’n SEUN te wees is nié maklik nie...
Dink jy ook partykeer so? Jy het miskien honderde vrae oor jou lyf en al die goed wat nog met jou gaan gebeur.
Jy’s dalk opgewonde, maar miskien ook ’n bietjie gestres.
En dan het jy dalk ook vrae oor seks en vry – nie omdat jy dit wil doen nie – dis maar net iets waaroor jy wonder!
As jy maar net geweet het waar om die regte
antwoorde te kry. Jou maats vertel jou miskien van
sekere dinge, maar jy’s nie seker of hulle regtig weet
waarvan hulle praat nie. En jy sal liewer doodgaan
as om vir jou pa-hulle te gaan vra wat die waarheid is.
Jy kan nou maar ontspan! Om ʼn seun te wees
is nou makliker! Dis presies waaroor hierdie
boek gaan – om dinge vir jou makliker te maak.
As jy klaar gelees het, gaan jy alles weet van jou eie lyf en die dinge van jou hart. Jy sal selfs ’n paar goodies geleer het oor girls se lywe en hoe hulle koppe werk.